FAQs Complain Problems

समाचार

संगठनात्मक स्वरुप

मकवानपुरगढीको संक्षिप्त परिचय

मकवानपुरगढी गाउँपालिका बागमती प्रदेश अन्तर्गत मकवानपुर जिल्लामा अवस्थित चुरे र पहाडी विशेषता बोकेको गाउँपालिका हो ।  साविक मकवानपुरगढी, बुढीचौर, सुकौरा तथा आमभञ्याङ गाविसहरु मिलेर बनेको यो गाउँपालिका १४८.७३ वर्ग कि.मी. क्षेत्रफलमा फैलिएको छ । यहाँ यस क्षेत्रको भौगोलिक अवस्थिति, ऐतिहासिक चिनारी तथा नामाकरण, राजनीतिक अवस्थिति, प्राकृतिक तथा साँस्कृतिक उत्कृष्टता, विकास संभावनाहरुलाई देहाय बमोजिमका शिर्षकहरुमा व्याख्या गरिएको छ । समुन्द्री सतहका करिब १३०४ मिटर सम्मको उचाईमा रहेको मकवानपुरगढी गाउँपालिका भौगोगिक अवस्थितिका हिसाबले २७ डिग्री २१ मिनेट ३९ सेकेण्ड देखि २७ डिग्री ३० मिनेट ४१ सेकेण्ड उत्तरी अक्षांश र ८५ डिग्री ०२ मिनेट ३७ सेकेण्ड देखि ८५ डिग्री १३ मिनेट ०८ सेकेण्ड पुर्वी देशान्तरमा फैलिएको छ । यस गाउँपालिका मकवानपुर जिल्लाको जिल्ला सदरमुकाम हेटांैडासंग सिमाना जोडीएर पुर्व तथा उत्तर भागमा रहेको छ । साथै यस गाउँपालिकाको पूर्वमा बकैया गाउँपालिका, पश्चिम हेटौंडा उपमहानगरपालिका र भिमफेदी गाउँपालिका, उतरमा भिमफेदी गाउँपालिका दक्षिणमा हेटौंडा उपमहानगरपालिका र बकैया गाउँपालिकासँग सिमाना जोडिएको छ ।  जिल्लाको कुल क्षेत्रफलको ६.५२ प्रतिशत भुभाग यस गाउँपालिकाले ओगटेको छ । 
 
जनगणना २०७८ अनुसार मकवानपुरगढी गाउँपालिकाको विवरण 
             
वडा नं  पुरुष  महिला  जम्मा जनसंख्या  लैंगिक अनुपात  घर परिवार  औषत परिवारको आकार 
१४८२ १४४७ २९२९ 102.42 607 4.83 जना
२२८६ २२७७ ४५६३ 100.40 959 4.76 जना
१२८३ १२९६ २५७९ 99.00 594 4.34 जना
१३७७ १३८६ २७६३ 99.35 633 4.36 जना
१८०३ १७५४ ३५५७ 102.79 809 4.40 जना
१३२७ १३२० २६४७ 100.53 594 4.46 जना
१६८८ १६७८ ३३६६ 100.60 666 5.05 जना
१०२७ १०३० २०५७ 99.71 423 4.86 जना
जम्मा  १२२७३ १२१८८ २४४६१ 100.70 5285 4.63 जना

 

  • कुल जनसंख्या : २४, ४६१ जना
  • पुरुष जनसंख्या : १२, २७३ जना
  • महिला जनसंख्या : १२,१८८ जना
  • कुल परिवारको संख्या : ५, २८५ 
  • औषत परिवार आकार : ४६३ जना
  • जनघनत्व: १६४ जना
  • ‌‌कुल साक्षरता : ७७.७ %
  • पुरुष साक्षरता : ८३.४ %
  • महिला साक्षरता : ७२ %